Amaiera paregabea eman zaio uretako hegaztien behaketarako lehen hastapen ikastaroari zezentxoriaren behaketarekin

Gaur izan da zentruan bertan emandako uretako hegaztien behaketarako hastapen ikastaroko azken saioa.

Partehartzaileek uretako hegaztien behaketa saio desberdinak egin dituzte

Ikastaroak iraun duen 3 saioetan zehar, bertaratutakoek uretako hegazti desberdinen behaketa zuzenaz gozatzeko aukera izan dute, beraien ohiturak ezagutu, desberdintasunak ikusi eta hezeguneetako espezierik ohikoenak ezagutzen ikasi dutelarik.

Teoria klaseak hartzen

Agurra oso berezia izan da. Ikastaroan zehar egindako uretako hegaztien behaketa saio guztien artean, zezentxori eder baten behaketa izan da aipagarriena. Espezie oso interesgarria dugu berau, urria eta ezohikoa izateaz gain, bere ohitura eta kamuflatzeko teknika direla eta oso zail egiten baita gure hezegunetan ikustea.

Uretako hegaztiak Gautegiz Arteagako hezegunean

Negu honetan Gautegiz Arteagako paduran espezie hau ikusi den lehenbiziko aldia izan da. Udazkeneko migrazioan ikusi ahal izan zen jada, baina neguko lehen behaketa izan da oraingo hau.

Zezentxoria Oruetako behatokitik

Zezentxoria paduran kokatzea zein zaila egiten den adierazten duen irudia